အိ-ဣ- အိ အက္ခရာ၊ မှ ဣဿရိယ ။

အိ အက္ခရာ၊ ရေးထုံးမှာ၊ မြန်မာ လေးမျိုးရှိ။ ။ မြန်မာဘာသာ၌ ။ -ိ ။ အိ ။ ဣ။ ၏။ ၎င်းလေးမျိုးကိုသင့်သလိုရေးသားကြလေသည်။

အိပ်ခြင်းမျိုး ၄-ပါး။ ။ သုတ်မဟာဝါ။ ပါ။ ၁၁၃။ ၎င်းင်း။ ဋ္ဌ။ ၁၆၅-၌ အကျယ်ရှုပါ။ သတ္တ၀ါတို့၏အိပ်ခြင်းမျိုး၎-ပါးဟူလို။
(၁) ကာမ ဘောဂီ သေယျ- ကာမဂုဏ်ခံစားသူတို့ အများအားဖြင့် လက်ဝဲဘက်စောင်း၍အိပ်ကြ၏၊
(၂) ပေတ သေယျ- ပြိတ္တာတို့သည် ပက်လက်အိပ်ကြ၏၊
(၃) သီဟ သေယျ- ကေသရခြင်္သေ့တို့ကား လက်ယာနံပါးဖြင့်သာ အအိပ်များကုန်၏၊ သူမြတ်တို့လည်း ဤသို့အိပ်ကြ၏၊
(၄) တထာဂတ သေယျ- ဘုရားရှင်တို့သည် လက်ယာနံပါးဖြင့် စတုတ္ထဈာန်ဝင်စားကာ အိပ်တော်မူကြ၏၊ (စတုတ္ထဈာန
သေယျံပန တထာဂတေဿဝ ဟောတိ၊ )

အိပ်မက်မက်ခြင်း အပြား ၄-ပါး။ တစ်နည်း ၆-ပါး။ ။ သမ္မောဟ၀ိနောဒနီအဋ္ဌကထာ ၃၈၉။ မဟာနိဒ္ဒေသပါဠိတော် ၂၉၇။ ၎င်းင်း။ ဋ္ဌ။ ၃၆၅-တို့၌ အကျယ်ရှု။ အိပ်မက်မက်ခြင်း အကြောင်း ၆-ပါး၊ သို့မဟုတ်အိပ်မက်မက်တတ်သူ ၆-ယောက်။
(၁) ၀ါတိက- လေဓါတ်ပျက်၍ မက်ခြင်း၊
(၂) ပိတ္တိက- သည်းခြေပျက်၍မက်ခြင်း၊
(၃) သေမှိက- သလိပ်ပျက်၍မက်ခြင်း၊
(၄) ဒေ၀တူပ သံဟရတ- နတ်တို့ လှည့်ပတ်၍မက်ခြင်း၊
(၅) သမုဒါစိဏ္ဏတ- လေ့ကျက်သုံးဆောင်ဖူး၍ မက်ခြင်း၊
(၆) ပုဗ္ဗနိမိတ္တ- ပုဗ္ဗနိမိတ်ဖြစ်လတ္တံ့ကိုမြင်မက်ခြင်း။

အိပ်မက်မက်တတ်သူ ၄-မျိုး။ ။ ၀ိပလ္လာသတရား ရှိနေကြသေးသော
(၁) ပုထုဇဉ်၊
(၂) သောတာပန်၊
(၃) သကဒါဂါမ်၊
(၄) အနာဂါမ်၊ ၎င်းင်းတို့ လေးယောက်သာ မြင်မက်တတ်ကြသည် ဟူ၏၊ အကျယ်ကိုဗုဒ္ဓသာသန မဟာဗုဒ္ဓ၀င်၊ ဒုတွဲ။ ၂၆၉-၌ ရှုပါကုန်။

အိမ်ဆောက်ကောင်းငြား၊ လ ၆-ပါး၊ မိန့်ကြားဖြေတော်မူ။ ။ ၎င်းင်းသရုပ်ကို အောက်ပါ မြေခံရွေးနည်း လင်္ကာဖြင့်သိပါ။
လောကီလူများ၊ အမျိုးသားတို့၊ မှတ်သားစေရန်၊ မြေခံကျမ်းမြတ်၊ ဇရပ်အိမ်ကျောင်း၊ ဆောက်တုံရှောင်းသော်၊
နတ်တော် ခေါင် ကြူး၊ ပြာ ကူး ဆုန် ပေါင်း၊ ဆောက်ကောင်း ၆-လမှတ်၊ မှတ်ကုန်ကြလော့။

အိမ်မှာမွေးထား၊ ငှက်လေးပါး၊ စီးပွားချမ်းသာတိုး။ ။ လောက၀ုဒ္ဓိကျမ်းမှ။ ထိုငှက်မျိုးလေးပါးကို မိမိတို့နေအိမ်၌မွေးထားခြင်းဖြင့် စီးပွားဥစ္စာ ကျက်သရေမင်္ဂလာ တိုးတက်ကြောင်းများဖြစ်သည်ဟု ဇောတိတတ္တဗေဒင်ကျမ်းကြီး၌ဆို၏။ (၁) ပါရာဝတ- အိမ်ခိုငှက် (သင်္ဘောခို)၊
(၂) မယူရ- ဥဒေါင်းငှက်၊
(၃) သုက- ကျေး (ကြက်တူရွေး)၊
(၄) သာရိက- သာလိကာငှက်။

အိမ်ရှေ့မင်းသား၊ ဖြစ်ထိုက်ငြား၊ ၅-ပါး လက္ခဏာ။ ။ ရာဇနီတိမှ။
(၁) မိဘနှစ်ပါးစုံမှ သန့်ရှင်းစွာမွေးဖွားခြင်း၊
(၂) အဘိရူပ ပါသာဒိက အလွန်တင့်တယ်ခန့်ညား ရှုချင်ဖွယ်အဆင်း ဂုဏ်တို့နှင့်ပြည့်စုံခြင်း၊
(၃) ခမည်းတော် မယ်တော်တို့ချစ်အောင် ကျင့်တတ်ခြင်း၊
(၄) တိုင်းပြည်လူထုမြတ်နိုးအောင်ကျင့်တတ်ခြင်း၊
(၅) တိုင်းရေးပြည်ရေး စစ်မှုရေးရာတို့၌ လိမ္မာခြင်း။

အိမ်သူ့ဝတ် ၅-ပါး။ ။ ၎င်းင်းသရုပ်ကို (မယားဝတ် ငါးပါး)၌ ကြည့်ပါ။

ဣစ္ဆတရား ၄-ပါး။ ။ အလိုဆန္ဒတရားများကို သမ္မော အဋ္ဌကထာ ခုဒ္ဒက၀ိဘင်း၌ ဤသို့ပြ၏။
(၁) အတြိစ္ဆ- မိမိနှင့် ထိုက်တန်သလောက်နှင့် မရောင့်ရဲနိုင်ပဲ အလွန့်အလွန် အလိုကြီးခြင်းမျိုး၊
ကိုယ့်လက်ရှိစည်းစိမ်ထက် သူများခံစားလျက်ရှိသော စည်းစိမ်ကို ပိုမိုနှစ်သက်လိုချင်ခြင်းမျိုး။
(၂) မဟိစ္ဆ- အလိုကြီးခြင်း၊ ၀ါကြွား ညာဝါ၍ မိမိမျှတလောက်ရုံထက် အပိုအမိုရအောင် ယူငင်ခြင်းမျိုး။
(၃) ပါပိစ္ဆ- ယုတ်မာသော အလိုဆိုး၊ မိမိ၌ သီလ သမာဓိ တရားထူးမရှိဘဲ ရှိယောင်ဆောင်၍ ကြည်ညိုခံယူကာ လှည့်စားခြင်းမျိုး။
(၄) အပ္ပိစ္ဆ- အလိုနည်းခြင်း ရောင်းရဲခြင်း၊ ရသမျှနှင့်သာ တင်းတိမ်ကာ သုံးဆောင်ခြင်းမျိုး။
(၄-ကားရဟန်းကောင်းတို့ကျင့်ရန်ဖြစ်၏။)

ဣဒ္ဓိပါဒ် ၄-ပါး။ ။ မဟာဝဂ္ဂ သံယုတ် ပါဠိတော် ၂၄၂။ ၎င်းင်း။ ဋ္ဌ။ ၂၈၉-၌ အကျယ်ရှု။ ကြီးပွားတိုးတက်တန်ခိုးကြီးမှု၏ အခြေခံတရား ၄-ပါး။
(၁) ဆန္ဒိဒ္ဓိပါဒ်- အလိုဆန္ဒတရား၊
(၂) ၀ီရိယိဒ္ဓိပါဒ်- အားထုတ်ကြိုးစားမှု၊
(၃) စိတ္တိဒ္ဓိပါဒ်- ကြံစည်စိတ်ကူးမှု၊
(၄) ၀ီမံသိဒ္ဓိပါဒ်- စုံစမ်းဆင်ခြင်မှု။

ဣဒ္ဓိမျိုး ၁၀-ပါး။ ။ ပြီးစီးအောင်မြင်မှုမျိုး တန်ခိုးဆယ်ပါး၊ ၀ိသုဒ္ဓိမဂ်၌လာ၏။
(၁) အဓိဋ္ဌာနိဒ္ဓိ- မိမိ၏ မူလရုပ်သွင်တူ ပုံများစွာဖန်ဆင်းခြင်း။
(၂) ၀ိကုဗ္ဗနိဒ္ဓိ- မိမိအသွင်စွန့်၍ နဂါး ဂဠုန်ရုပ် စသည်ဖန်ဆင်းခြင်း။
(၃) မနောမယိဒ္ဓိ- မိမိကိုယ် အဆင်းသဏ္ဍာန်ကို စိတ်အလိုအတိုင်းပြီးစေခြင်း။
(၄) ဥာဏ၀ိပ္ဖါရိဒ္ဓိ- ပစ္ဆမဘ၀ိကသား လူ ရှင် ရဟန်းတို့၏ အရဟတ္တမဂ်ဥာဏ်ကို မရမီ ရဟန္တာမဖြစ်မီရှေ့အဖို့၌ သူတစ်ပါး၏လုံ့လပယောဂဖြင့် မသေနိုင်ခြင်းမျိုး။
(၅) သမာဓိဝိပ္ပါရိဒ္ဓိ- အနာဂါမ် ရဟန္တာတို့၏ နိရောဓသမာပတ်ဝင်စားခိုက် သူတစ်ပါးလုံ့လပယောဂ
ဖြင့်မသေနိုင်ခြင်းမျိုး။
(၆) အရိယိဒ္ဓိ- အရိယာတို့၏ အနိဋ္ဌစသည့်အာရုံကို ဣဋ္ဌာရုံပြု၍ရှုနိုင်ခြင်းမျိုး။
(၇) ကမ္မဇိဒ္ဓိ- ငှက် စသည်တို့၏ ကောင်းကင်၌ပျံနိုင်ခြင်းမျိုး။
(၈) ပုည၀တော ဣဒ္ဓိ- စကြာမင်းစသည်တို့၏ ကောင်းကင်၌ စစ်အင်္ဂါလေးပါးနှင့် သွားနိုင်ခြင်းမျိုး။
(၉) ၀ိဇ္ဇာမယိဒ္ဓိ- ၀ိဇ္ဇာဓိုရ်စသည်တို့၏ မြေလျှိုး မိုးပျံတန်ခိုးဟူသမျှ။
(၁၀) အတ္ထ တတ္ထ သမ္မာပယောဂ ပစ္စယိဒ္ဓိ- ကလာအတတ် ၆၄-ရပ်နှင့် အဋ္ဌာရသ ၀ိဇ္ဇာအတတ်မျိုး ဟူသမျှ။

ဣနြေ္ဒ ၆-ပါး၊ တံခါး ၆-ပေါက်။ ။ ကောင်းသောကုသိုလ်အာရုံကိုသွင်း၍ မကောင်းသောအကုသိုလ်အာရုံတို့ကိုပိတ်ဆီးရန်တံခါး ၆-ပေါက်။
(၁) စက္ခုနြေ္ဒ- ရူပါရုံခေါ် အဆင်း၏ထွက်ဝင်ရာ "စက္ခုပသာဒ"ခေါ် မျက်စိပေါက်၊
(၂) သောတိနြေ္ဒ- သဒ္ဒါရုံခေါ် အသံ၏ထွက်ဝင်ရာ "သောတပသာဒ"ခေါ် နားပေါက်၊
(၃) ဃာနိနြေ္ဒ- ဂန္ဓာရုံခေါ် အနံ့၏ထွက်ဝင်ရာ "ဃာနပသာဒ"ခေါ် နှာခေါင်းပေါက်၊
(၄) ဇိဝှိနြေ္ဒ- ရသာရုံခေါ် ချို ချဉ် စပ် ငန် ဖန် ခါး အရသာခြောက်ပါး၏ထွက်ဝင်ရာ "ဇိဝှါပသဒ"ခေါ် လျှာ၊ သို့မဟုတ် ပါးစပ်ပေါက်၊
(၅) ကာယိနြေ္ဒ-ဖောဋ္ဌဗ္ဗာရုံခေါ် အတွေ့အထိဓါတ်၏ထွက်ဝင်ရာ "ကာယပသာဒ" ခေါ် အတွေ့အထိကို သိနိုင်သောအရပ်ဟူသမျှ ကာယကိုယ်ပေါက်၊
(၆) မနိနြေ္ဒ- ဓမ္မာရုံခေါ် ပသာဒရုပ် ၅-ခု၊ သုခုမရုပ် ၁၆-ခု၊ စိတ် ၈၉-၊ စေတသိက် ၅၂၊ နိဗ္ဗာန် ပညတ်တို့၏ ထွက်ဝင်ရာ "မနောဒွါရ" ခေါ် ဘ၀င်စိတ်ပေါက်။

ဣရိယာပုထ် ၄-ပါး၊ တစ်နည်း ဣရိယာပိုထ် ၄-ပါး။ ။ ကိုယ်အမူအရာဖြစ်ကြောင်း လေးပါး။
(၁) ဂမန-သွားခြင်း၊
(၂) ဌာန- ရပ်ခြင်း၊
(၃) အာသန- ထိုင်ခြင်း၊
(၄) သယန- လျောင်းခြင်း အိပ်ခြင်း။

ဣဿရ နိမ္မာန ၀ါဒကြီး ၄-ပါး။ ။ ၎င်းင်း၏သရုပ် အဓိပ္ပါယ် (ဗြဟ္မာစွဲဝါဒကြီး လေးပါး)၌ ကြည့်ပါ။

ဣဿရိယ ဘုန်းတော်မျိုး ၈-ပါး။ ။ စိတ်ကို အစိုးရတော်မူခြင်း တန်ခိုး အာဏိမာ- စသော ဘုန်းတော် ရှစ်ပါးနှင့်ပြည့်စုံသည်ကို ခေါ်သည်။
(၁) အာဏိမာ- ကိုယ်တော်ကို အနုမြူသဖွယ် သေးငယ်အောင်ဖန်ဆင်းနိုင်ခြင်း ဘုန်းတော်။
(၂) လင်္ဃီမာ- ပေါ့ပေါ့ပါးပါး ကူးလွှားပျံသန်းနိုင်အောင် ပြုနိုင်သောဘုန်းတော်။
(၃) မဟိမာ- ကိုယ်တော်ကို အလိုရှိသလောက် ကြီးကျယ်အောင် ဖန်ဆင်းနိုင်သောဘုန်းတော်။
(၄) ပတ္တိ- ရောက်လိုရာအရပ်သို့ ချက်ချင်း ကြွရောက်နိုင်သောဘုန်းတော်။
(၅) ပါကမ္မံ- အဆင်းသဏ္ဍာန် အသွင်အပြင်အမျိုးမျိုး ဖန်ဆင်းနိုင်သော ဘုန်းတော်။
(၆) ဤသိတာ- မိမိစိတ်တော်မှစ၍ လောကအားလုံးကိုပါ ပိုင်ပိုင်နိုင်နိုင် စိုးမိုးအုပ်ချုပ်တော်မူနိုင်သောဘုန်းတော်။
(၇) ၀သိတာ- ဈာန် သမာပတ် အဘိညာဉ်တို့ကို ခဏခြင်း ၀င်စားနိုင်သော ဘုန်းတော်။
(၈)ယတ္ထ ကာမာ ၀သာယိတာ- အဓိဋ္ဌာန်တော်မူသည့်အတိုင်း မလွန်မကျူးအထူး ပြီးစေနိုင်သော ဘုန်းတော်။ Print this post