အ (နု၊ နှ) - အနုဂ္ဂဟမျိုး ၂-ပါး။ မှ အနှောင်အဖွဲ့ကြီး။

အနုဂ္ဂဟမျိုး ၂-ပါး။ ။ သာသနာကို ချီးမြှောက်ထောက်ပံ့ကူညီမှုမျိုး ၂-ပါး။
(၁) ပစ္စယာနုဂ္ဂဟ- ပစ္စည်းအမျိုးမျိုးတို့ဖြင့်ချီးမြှောက်ထောက်ပံ့မှု၊
(၂) ဓမ္မာနုဂ္ဂဟ- မိမိကိုယ်တိုင်တရားစာပေ သင်ကြားပို့ချ ကျင့်ကြံအားထုတ်မှု။

အနုစာပေ၊ ရေးသားလေ၊ ၄-ထွေမြန်မာ့နည်း။ ။ ၎င်းင်းအဖြေကို (မြန်မာစာပေ၊ ရေးသားလေ၊ ၅-ထွေနိဿရည်း)၌ကြည့်ပါ။

အနုတ္တရိယတရား ၆-ပါး။ ။ ပဋိသမ္ဘိဒါမဂ်။ ပါ။ ၆။ ၎င်းင်း။ ဋ္ဌ။ ပ-အုပ်။ ၆၅-၌ အကျယ်ရှုပါ။ လွန်မင်းမြင့်မြတ်သောတရား ၆-ပါး။
(၁) ဒဿနာ နုတ္တရိယ- မြင်ရခြင်းတကာတို့တွင် ရတနာသုံးပါးကိုမြင်ရခြင်းသည် အမြတ်ဆုံး၊
(၂) သ၀နာ နုတ္တရိယ- ကြားရခြင်းတကာတို့တွင် ရတနာသုံးနှင့်စပ်သောအသံကို ကြားရခြင်းသည်အမြတ်ဆုံး၊
(၃) လာဘာ နုတ္တရိယ- ရခြင်းတကာတို့တွင် ရတနာသုံးပါးကိုရခြင်းသည်အမြတ်ဆုံး၊
(၄) ပါရိစရိယာ နုတ္တရိယ- လုပ်ကျွေးခြင်းတကာတို့တွင် ရတနာသုံးပါးကိုလုပ်ကျွေးခြင်းသည် အမြတ်ဆုံး၊
(၅) အနုဿတာ နုတ္တရိယ- အောက်မေ့ခြင်းတကာတို့တွင် ရတနာသုံးပါးကိုအောက်မေ့ရခြင်းသည် အမြတ်ဆုံး၊
(၆) သိက္ခာ နုတ္တရိယ- အကျင့်တကာတို့တွင် ရတနာသုံးပါးဂုဏ်တရားကို ကျင့်ရခြင်းသည် အမြတ်ဆုံး။

အနုပဿနာတရား ၃-ပါး။ ။ လက္ခဏာရေး သုံးပါး။
(၁) အနိစ္စာနုပဿနာ- အနိစ္စသဘောထင်ရှားအောင် အခါခါရှုဆင်ခြင်ခြင်း၊
(၂) ဒုက္ခာ နုပဿနာ- ဒုက္ခသဘောထင်ရှားအောင် အခါခါရှုဆင်ခြင်ခြင်း၊
(၃) အနတ္တာနုပဿနာ- အနတ္တသဘောထင်ရှားအောင် အခါခါရှုဆင်ခြင်ခြင်း။

အနုပဿနာတရား ၄-ပါး။ ။ "သတိပဋ္ဌာန်တရား ၄-ပါး"မှာ ဆိုမည်။

အနုပဿနာတရား ၁၀-ပါး။ ။ ပဋိသမ္ဘိဒါမဂ်။ ပါ။ ၂၃၈။ ၎င်းင်း။ ဋ္ဌ။ ဒု-အုပ်။ ၁၅၈-၌ အကျယ်ရှုပါ။
(၁) အနိစ္စာနုပဿနာ၊
(၂) ဒုက္ခာ နုပဿနာ၊
(၃) အနတ္တာ နုပဿနာ၊
(၄) နိဗ္ဗိဒါ နုပဿနာ၊
(၅) ၀ိရာဂါ နုပဿနာ၊
(၆) နိရောဓါ နုပဿနာ၊
(၇) ပဋိနိဿဂ္ဂါ နုပဿနာ၊
(၈) အနိမိတ္တာ နုပဿနာ၊
(၉) အပ္ပဏိ ဟိတာ နုပဿနာ၊
(၁၀) သုညတာ နုပဿနာ။

အနုမြူနိုင်ငံကြီး ၉-ခု။ ။ ကမ္ဘာပေါ်၌ ကြောက်စရာအကောင်းဆုံး အဆိုးဝါးဆုံးသော လူသတ်လက်နက် အနုမြူဗုံးပိုင်ရှင်နိုင်ငံကြီးများဟူ၏။ ဤမှတ်တမ်းကား ၂၀၀၈-ခုနှစ်အတွင်းမျှဖြစ်သည်။
(၁) အမေရိကန်နိုင်ငံ၊ ၁၉၄၅-ခုနှစ်၊ ဇူလိုင်လ ၁၆-ရက်နေ့ မက်ဆီကိုနယ် အယ်လာမာဂေါ်ဒိုဒေသ၌ ပထမဆုံးအနုမြူဗုံးကို ဖေါက်ခွဲခဲ့သည်။
(၂) ဆိုဗီယက်ယူနီယံနိုင်ငံ၊ ၁၉၄၉-ခု၊ သြဂုတ်လမှာ စတင်ဖေါက်ခွဲခဲ့သည်။
(၃) ဗြိတိန်နိုင်ငံ၊ ၁၉၅၂-ခု၊ အောက်တိုဘာလ ၃-ရက်နေ့က သြစတြေးလျတိုက်၏ အနောက်မြောက်ဘက်မိုင် ၅၀-ကွာမွန်တီတလိုကျွန်းစု၌ စတင်ဖေါက်ခွဲခဲ့သည်။
(၄) ပြင်သစ်နိုင်ငံ၊ ၁၉၆၀-ခု၊ ဖေဖေါ်ဝါရီလ ၁၃-ရက်နေ့ ဆဟာရသဲကန္တာရ၌ ပလူတိုနီယံအနုမြူဗုံးကို စတင်ဖေါက်ခွဲသည်။
(၅) တရုပ်နိုင်ငံ၊ ၁၉၆၄-ခု၊ အောက်တိုဘာလ ၁၆-ရက်နေ့ စင်ကိုင်းပြည်နယ် ထက်လာမာကန် သဲကန္တာရ၌စတင်ဖေါက်ခွဲသည်။
(၆) အိန္ဒိယနိုင်ငံ၊ ပဌမဆုံး အနုမြူဗုံးကို ရာဂျပ်စ်သန် သဲကန္တာရ၌ ၁၉၇၄-ခုနှစ် မေလ ၁၇- ရက်နေ့ကစတင်ဖေါက်ခွဲလိုက်သည်။
(၇) အစ္စရေး၊ ၁၉၇၉-ခု။
(၈) ပါကစ္စတန်၊ ၁၉၉၈-ခု၊
(၈) မြောက်ကိုးရီးယား၊ ၂၀၀၆-ခု၊
အစ္စရေးကကြေငြာခြင်း မရှိခဲ့ပါ။ ယခုအခါ နိုင်ငံများစွာမှာ ကြိုးပမ်းထုတ်လုပ်နေကြသည်။

အနုဝါဒ၀တ္ထု ၇-ပါး။ ။ ရဟန်းတော်များ အာပတ် ၇-ပုံဖြင့် ငြင်းဆိုစွပ်စွဲမှုကိုခေါ်သည်။
(အာပတ် ၇-ပုံကြည့်။)

အနုဝါဒါဓိကရုဏ်း ၇-ပါး။ ။ ရဟန်းတော်များ အာပတ် ၇-ပါးဖြင့်စွပ်စွဲငြင်းခုံမှု။

အနုဝိဇ္ဇက ကျင့်ဝတ် ၆၄-ပါး။ ။ ၀ိနည်းဓိုရ် နာယကခေါ် အနုဝိဇ္ဇကရဟန်းတော်များ လိုက်နာကျင့်သုံးရမည့် နည်းဥပဒေ ၆၄-ပါး။
(၁) တရားလို စောဒကတရားခံ စုဒိတကတို့၏ ဥပဇ္ဈာယ်ကို မမေးရ။
(၂) ဆရာကိုမမေးရ၊
(၃) သဒ္ဓိဝိဟာရိက တပည့်ကိုမမေးရ၊
(၄) အန္တေ၀ါသိက တပည့်ကိုမမေးရ၊
(၅) ဥပဇ္ဈာယ်တူ တပည့်ကိုမမေးရ၊
(၆) ဆရာတူတပည့်ကိုမမေးရ၊
(၇) ဇာတ်ကို မမေးရ၊
(၈) အမည်ကိုမမေးရ၊
(၉) အနွယ်ကို မမေးရ၊
(၁၀) အာဂုံကို မမေးရ၊
(၁၁) အမျိုးကိုမမေးရ၊ (ခတ္တိယ၊ ဗြာဟ္မဏစသောဇာတ်တွင်လည်း ကာသိက မင်းမျိုး၊ ကောသလမင်းမျိုး စသောအမျိုးကိုမမေးရ
ဟုဆိုလို၏။)
(၁၂) ဖွားရာအရပ်ကိုမမေးရ။
မှတ်ချက်။ ။ ဤ ၁၂-ရပ်သောမေးခွန်းကို မေးခဲ့သော် ချစ်ခြင်းသော်လည်းဖြစ်ရာ၏၊သို့မဟုတ်မုန်းခြင်းသော်လည်းဖြစ်ရာ၏၊ ချစ်ခြင်း မုန်းခြင်းများဖြစ်ခဲ့သော် ဆန္ဒာဂတိ ဒေါသာဂတိ မောဟာဂတိ ဘယာဂတိသို့လိုက်ခဲ့ရာသောကြောင့် ၁၂-ရပ်သောမေးခွန်းကို မမေးရဟုဆိုလို၏၊ ဤ ၁၂-ပါးသောကျင့်ဝတ်ကား ရှောင်ကြဉ်ရမည့်ကျင့်ဝတ်တည်း။

လိုက်နာရမည့်ကျင့်ဝတ်ကား ၅၂-ပါးရှိသတည်း။
(၁) ပုဂ္ဂိုလ်ကိုအလေးမပြုဘဲ သံဃာကိုသာ အလေးပြုရမည်၊
(၂) အာမိသကိုအလေးမပြုပဲ သူတော်ကောင်းတို့၏တရားကိုသာအလေးပြုရမည်၊
(၃) ပရိတ်သတ်အလိုအကြိုက်သို့မလိုက်ဘဲ မိမိအလိုအကြိုက်သို့သာလိုက်ရမည်၊
(၄) မသင့်လျော်သောအခါ၌မမေးမြန်းဘဲ သင့်လျော်သောအခါ၌သာ မေးမြန်းရမည်။
(၅) မဟုတ်မမှန်သောစကားဖြင့် မမေးမြန်းဘဲဟုတ်မှန်သောစကားဖြင့်သာ မေးမြန်းရမည်၊
(၆) ကြမ်းတမ်းသောစကားဖြင့် မမေးမြန်းဘဲ နူးညံ့သိမ်မွေ့သောစကားဖြင့်သာ မေးမြန်းရမည်၊
(၇) အကျိုးနှင့်မစပ်သောစကားဖြင့် မမေးမြန်းဘဲ အကျိုးနှင့်စပ်သောစကားဖြင့်သာမေးမြန်းရမည်၊
(၈) ဒေါသစိတ်ဖြင့်မမေးမြန်းဘဲ မေတ္တာစိတ်ဖြင့်သာမေးမြန်းရမည်၊
(၉) နား၏အနီး၌ကပ်၍မပြောဆိုရ၊
(၁၀) ကောက်ကျစ်သောအမှုကို မရှုငဲ့ရ။
(၁၁) မျက်စပစ်၍ မပြရ၊
(၁၂) မျက်မှောင်ကြုတ်၍ မပြရ၊
(၁၃) ခေါင်းညိတ်၍မပြရ၊
(၁၄) လက်၏ဖေါက်ပြန်ခြင်းကို မပြရ၊
(၁၅) လက်ဆုတ်ကို မပြရ၊
(၁၆) နေရာ၌ လိမ္မာရမည်၊
(၁၇) ထိုင်ခြင်း၌လိမ္မာရမည်၊
(၁၈) လေးတောင်ပမာဏမျှကိုသာ ကြည့်ရှုရမည်၊
(၁၉) အနက်အဆုံးအဖြတ်ကိုသာ နှိုင်းချိန်စုံစမ်း၍နေရမည်၊
(၂၀) မိမိနေရာ၌သာထိုင်ရမည်။
(၂၁) နေရာအရပ်မှထမသွားရ၊
(၂၂) အဆုံးအဖြတ်ကိုမလျှော့စေရ၊
(၂၃) အာပတ်ကိုပြသောအားဖြင့်လမ်းလွဲလမ်းမှားကို မမှီဝဲရ၊
(၂၄) လက်ရုံးကိုမြှောက်၍ မပြောဆိုရ၊
(၂၅) အဆောတလျင်မပြောဆိုရ၊
(၂၆) ကြမ်းကြမ်းတမ်းတမ်း မပြောဆိုရ၊
(၂၇) မကောင်းသဖြင့်ဆိုအပ်သောစကားများကို သည်းခံရမည်၊
(၂၈) အစီးအပွားကိုလိုလားသည်ဖြစ်၍ မေတ္တာစိတ်ကိုဖြစ်စေရမည်၊
(၂၉) အစီးအပွားကိုရှာမှီးသည်ဖြစ်၍ ဂရုဏာစိတ်ကိုဖြစ်စေရမည်၊
(၃၀) အပိုင်းအခြားရှိသောစကားကိုပြောဆိုသည်ဖြစ်၍ အကျိုးအနက်မဲ့စကားကိုမပြောဆိုရ။
(၃၁) မကောင်းသောစကားကို မပြောဆိုဘဲ ရန်နှင့်မစပ်သောစကားကိုသာ ပြောဆိုရမည်၊
(၃၂) ဤအမှုကိုဆုံးဖြတ်နိုင်အံ့လော၊ မဆုံးဖြတ်နိုင်အံ့လောဟု မိမိကိုယ်ကိုနှိုင်းချိန်စုံစမ်းရမည်၊
(၃၃) ဤလဇ္ဇီပရိတ်သတ်ကို သိစေနိုင်လိမ့်မည်လောဟု တစ်ပါးသောပရိတ်သတ်ပုဂ္ဂိုလ်ကို နှိုင်းချိန်စုံစမ်းရမည်၊
(၃၄) ဓမ္မစောဒကလော အဓမ္မ စောဒကလောဟု စောဒကကို နှိုင်းချိန်စုံစမ်းရမည်၊
(၃၅) ဓမ္မ စုဒိတကလော အဓမ္မစုဒိတကလောဟု စုဒိတက ကို နှိုင်းချိန်စုံစမ်းရမည်၊
(၃၆) အ ဓမ္မ စောဒက၏အတိုင်းအရှည်ကို နှိုင်းချိန်စုံစမ်းရမည်၊
(၃၇) အ ဓမ္မ စုဒိတက၏ အတိုင်းအရှည်ကို နှိုင်းချိန်စုံစမ်းရမည်၊
(၃၈) ဓမ္မ စောဒက၏အတိုင်းအရှည်ကို နှိုင်းချိန်စုံစမ်းရမည်၊
(၃၉) ဓမ္မ စုဒိတက၏အတိုင်းအရှည်ကို နှိုင်းချိန်စုံစမ်းရမည်၊
(၄၀) စောဒက စုဒိတကတို့၏ အစစ်ခံထွက်ဆိုထားသောစကား အချက်အလက်တို့ကို မယုတ်လျော့စေဘဲ နံပါတ်စဉ်ထိုး၍ ရေးမှတ်ထားရမည်။
(၄၁) စောဒက စုဒိတကတို့၏ အစစ်မခံ မထွက်ဆိုသော စကားအချက်အလက် ၀တ္ထုများကိုထင်စွာမပြရ၊
(၄၂) ထွက်ဆိုအစစ်ခံသောအားဖြင့် သက်ရောက်လာသော ပုဒ်ဗျည်းအက္ခရာ စကားအစဉ်တို့ကို ကောင်းစွာနှိုင်းချိန်စုံစမ်းပြီး၍ ၀န်ခံချက် ပဋိညာဉ်အတိုင်းဆုံးဖြတ်ရမည်၊
(၄၃) တွေဝေသည်ဖြစ်၍ နုံ့နှေးသောစောဒက စုဒိတကကို ရွှင်လန်းအောင်လှုံ့ဆော်ပေးရမည်၊
(၄၄) ကြောက်ရွံ့သောစောဒက စုဒိတကကို သက်သာခွင့် ရစေရမည်၊
(၄၅) ကြမ်းတမ်းသော စောဒက စုဒိတကကို တားမြစ်ကန့်ကွက်ရမည်၊
(၄၆) မစင်ကြယ်သောအာပတ်ကိုထင်စွာပြရမည်၊
(၄၇) ဖြောင့်မတ်သောပုဂ္ဂိုလ်ကို နူးညံ့ပျော့ပျောင်းသောစကားဖြင့် ခေါ်ဝေါ်ပြောဆိုရမည်၊
(၄၈) ဆန္ဒာဂတိသို့မလိုက်ရ၊
(၄၉) ဒေါသာဂတိသို့ မလိုက်ရ၊
(၅၀) မောဟာဂတိသို့မလိုက်ရ၊
(၅၁) ဘယာဂတိသို့ မလိုက်ရ၊
(၅၂) ပုဂ္ဂိုလ်ကို အလေးမပြုဘဲ ဓမ္မကိုသာအလေးပြုသည်ဖြစ်၍ ပုဂ္ဂလတို့၌ လျစ်လျူရှုရမည်၊ ဤကားလိုက်နာရမည့်ကျင့်ဝတ် ၅၂-ပါးတည်း၊ ပေါင်း ၆၄-ပါးဖြစ်၏။

အနုဿတိ ၁၀-ပါး။ ။ အဖန်ဖန်အောက်မေ့အပ်သော ကမ္မဋ္ဌာန်းတရားဆယ်ပါးဟူ၏။ အင်္ဂုတ္တိုရ်ပါဠိတော်-ပ။
(၁) ဗုဒ္ဓါ နုဿတိ- ဘုရား၏ဂုဏ်တော်ကျေးဇူးတော်များကို အဖန်ဖန်အထပ်ထပ် မပြတ်အောက်မေ့ခြင်း၊
(၂) ဓမ္မာ နုဿတိ- တရား၏ဂုဏ်တော်ကို၎င်းင်း၊
(၃) သံဃာ နုဿတိ- သံဃာဂုဏ်တော်ကို၎င်းင်း၊
(၄) သီလာနုဿတိ-မိမိစောင့်ထိန်းသောသီလဂုဏ်ကို၎င်းင်း၊
(၅) စာဂါနုဿတိ- လှူဒါန်းခြင်း ဒါနဂုဏ်ကို၎င်းင်း၊
(၆) ဒေ၀တာ နုဿတိ- နတ်တို့ကိုသက်သေပုံ
ထား၍ နတ်အဖြစ်သို့ရောက်အောင် ပို့ဆောင်နိုင်သော သဒ္ဓါစသော မိမိ၏ကုသိုလ်တရားကို၎င်းင်း၊
(၇) ဥပသမာ နုဿတိ- ကိလေသာမှကင်းငြိမ်းခြင်း ဥပသမာဂုဏ်ကို၎င်းင်း၊
(၈) မရဏာ နုဿတိ- သေခြင်းတရားကို၎င်းင်း၊
(၉) ကာယဂတာ သတိ- ဆံပင်စသော ဒွတ္တိံသကာယ၊ သို့မဟုတ် ပထ၀ီဓါတ် ကာယနှစ်ဆယ်စသော ဒွေစတ္တာလီသ ကာယကို၎င်းင်း၊(၁၀) အာနာပါဏုဿတိ- ထွက်သက်ဝင်သက်ကို၎င်းင်း။

အနုသယ ၇-ပါး။ ။ မဟာနိဒ္ဒေသ။ ပါ။ ၇၇။ ဋ္ဌ။ ၂၀၅-၌အကျယ်ရှု။ အကြောင်းတစ်စုံတစ်ခုနှင့် ပေါင်းဆုံမိကအဆင်သင့်ဖြစ်ပေါ်နိုင်ရန် သတ္တ၀ါတို့သန္တန်၌ ကိန်းဝပ်နေသောတရား ၇-ပါး။
(၁) ကာမရာဂါ နုသယ-ကာမဂုဏ်၌ တပ်နှစ်သက်သော 'လောဘ'၊
(၂) ဘ၀ရာဂါ နုသယ- ဘ၀၌နှစ်သက်သော 'လောဘ'၊
(၃) ပဋိဃာ နုသယ- ပြစ်မှားကြမ်းကြုတ်သော 'ဒေါသ'၊
(၄) မာနာ နုသယ- မောက်ကြွားထောင်လွှားခြင်း' မာန' ၊
(၅) ဒိဋ္ဌာ နုသယ- မှားသောအယူဝါဒကိုယူခြင်း 'ဒိဋ္ဌိ'၊
(၆) ၀ိစိကိစ္စာ နုသယ- ရတနာသုံးပါးစသည်၌သို့လောသို့လောတွေးတောခြင်း '၀ိစိကိစ္စာ'၊
(၇) အ၀ိဇ္ဇာ နုသယ- မသိအမှန် မလိမ္မာတွေဝေမိုက်မဲခြင်း 'မောဟ'။

အနူမျိုးပြား၊ ၁၈-ပါး၊ ခေါ်ငြားအဘယ်နည်း?။ ။၎င်းင်းအဖြေ (နူနာမျိုး ၁၈-ပါး)၌ ကြည့်ပါ။

အနေသန ၂၁-ပါး။ ။ မဟာနိဒ္ဒေသ။ ပါ။ ၂၉၀-၃၉၆။ ၎င်းင်း။ ဋ္ဌ။ ၃၅၀-၃၅၂။ မဇ္ဈိမပဏ္ဏာသ။ ပါ။ ၂။ ၎င်းင်း။ ဋ္ဌ။၎-တို့၌အကျယ်ရှုပါလေ။ ကျမ်းချင်းအနည်းငယ်ကွဲလွဲကြသည်။ ရဟန်းသာမဏေတို့နှင့် မအပ်စပ်၊ မရှာမှီးကောင်းသော ပစ္စည်းဥစ္စာရှာနည်း ၂၁-ပါး။
(၁) လူများကို ဆေးကုပေး၍ ပစ္စည်းရှာခြင်း၊
(၂) လူတို့၏ ခရီးရှည်စေတမန်လုပ်ခြင်း၊
(၃) လူတို့၏အနီးအနား အစေအခိုင်းခံခြင်း၊
(၄) အနာကိုဓါးခွဲပေးခြင်း၊
(၅) ဆေးလိမ်းပေးခြင်း၊
(၆) ပျို့အန်ဆေးပေးခြင်း၊
(၇) ၀မ်းနုတ်ဆေးပေးခြင်း၊
(၈) နှာပေးခြင်း၊
(၉) မျက်စဉ်းပေးခြင်း၊
(၁၀) ၀ါးပေးခြင်း၊
(၁၁) သစ်ရွက် သက်ငယ် ဓနိပေးခြင်း၊
(၁၂) ပန်းပေးခြင်း၊
(၁၃) စားဖွယ်သစ်သီးပေးခြင်း၊
(၁၄) ရေချိုးဆပ်ပြာပေးခြင်း၊
(၁၅) ဒန်ပူပေးခြင်း၊
(၁၆) မျက်နှာသစ်ရေပေးခြင်း၊
(၁၇) မျက်နှာချေမှုန့် ပေါင်ဒါပေးခြင်း၊
(၁၈) မြေညက်ပေးခြင်း၊
(၁၉) မိမိကိုယ်ကိုအောက်ချ၍ကျုပ် ကျွန်တော်စသော ဝေါဟာရတို့ဖြင့်ပြောခြင်း၊
(၂၀) လိမ်လည် ၀ါကြွား၍ပြောကြားခြင်း၊
(၂၁) ကလေးထိန်းများကဲ့သို့ လူတို့၏ကလေးများကို ချီပွေ့ချော့မြူခြင်း။

အနောဓိဿ မေတ္တာ ၅-ပါး။ ။ လူ နတ် ကျား မ မခွဲခြားဘဲ သတ္တ၀ါအားလုံးအနေနှင့်ပို့သသော မေတ္တာမျိုး။
(၁) သဗ္ဗေ သတ္တာ- သတ္တ၀ါအားလုံး၊
(၂) သဗ္ဗေ ပါဏာ- သက်ရှိအားလုံး၊
(၃) သဗ္ဗေ ဘူတာ- ဖြစ်နေသူအားလုံး၊
(၄) သဗ္ဗေ ပုဂ္ဂလာ- ပုဂ္ဂိုလ်အားလုံး၊
(၅) သဗ္ဗေ အတ္တဘာဝ ပရိယာပန္နာ- အတ္တဘော၌ အကျုံးဝင်သူအားလုံး။

အနှောင်အဖွဲ့ကြီးမျိုး ၁၀-ပါး။ ။ မိလိန္ဒပဥှာ ပါဠိတော်။ ၂၇၈။ နိက္ခမပါရမီ၏ ဆန့်ကျင်ဘက်ကြီးများ။
(၁) မာတု- အမိ၊
(၂) ပိတု- အဖ၊
(၃) ဘရိယ- မယား၊
(၄) ပုတ္တ-သားသမီး၊
(၅) ဥာတိသင်္ဂဟ-အဆွေအမျိုး၊
(၆) မိတ္တသဟာယ- အပေါင်းအဖေါ်၊
(၇) ဘောဂဓန- ဥစ္စာရွှေငွေ၊
(၈) လာဘသက္ကာရ- လာဘ်အပူဇော်၊
(၉) ဣဿရ- အစိုးရခြင်း၊
(၁၀) ပဉ္စ ကာမဂုဏ- ငါးပါးကာမဂုဏ်။
Print this post