အ (ယ၊ ရ၊)-အယာဉ် ၂-ပါး။ မှ အရှင်သာရိပုတ္တရာ...။

အယာဉ် ၂-ပါး။ ။ နေမင်း၏သွားလမ်း လာလမ်းနှစ်ပါးကိုဆိုသည်။ အကျယ် (ယာဉ် ၂-ပါး)မှာ ကြည့်ပါ။

အယုတ်တရား ၂-ပါး။ ။ သတ္တ၀ါတို့အား ယုတ်ညံ့ရိုင်းဆိုင်း ဈာန် မဂ်ဖိုလ်သို့ ကျောခိုင်းစေသောတရား ၂-ပါး။
(၁) အတ္တ ကိလမထာနုယောဂ- မိမိကိုယ်ကို ဆင်းရဲအမျိုးမျိုးတို့နှင့်ယှဉ်စေ၍ကျင့်သော အယုတ်တရားဟူသမျှ၊
(၂) ကာမသုခလ္လိကာနုယောဂ- မိမိကိုယ်ကို ကာမဂုဏ်ချမ်းသာအမျိုးမျိုးတို့နှင့် ယှဉ်တွဲကျင့်ကြံ၍နေခြင်းမျိုး။

အရက်မျိုး ၅-ပါး။ ။ လူမပြုသော်လည်း အလိုအလျောက်ဖြစ်နေတတ်သော မေရယ ခေါ်အရက်မျိုးငါးပါး။
(၁) ပုပ္ဖါသ၀- သစ်ပွင့်ရည်မှဖြစ်သောအရက်၊
(၂) ဖလာသ၀- သစ်သီးရည်မှဖြစ်သောအရက်၊
(၃) မဓွာသ၀-မုဒရက်ရည်မှ ဖြစ်သောအရက်၊
(၄) ဂုဠာသ၀- ကြံရည်မှဖြစ်သောအရက်၊
(၅) သမ္ဘာရသံယုတ္တ- အရက်ဖြစ်ကြောင်းဝတ္ထုပေါင်းတို့ စုပေါင်း၍ဖြစ်သောအရက်။

အရက်သောက်ခြင်းအပြစ် ၆-ပါး။ ။ သုတ်ပါထေယျ။ ပါ။ ၁၄၈။ ဋ္ဌ။ ၁၂၇။ ဤ၌ မျက်မှောက်လောက ပြစ် ၆-ပါးကို ဖြေဆိုလိုက်သည်၊ သံသရာပြစ်လည်း ကြီးလေးလှ၏။ "ဥစ္စာယုတ်ခြင်း၊ ငြင်းခုံများစွာ၊ ရောဂါထူပြော၊ ကျောစောမဲ့တုံ၊ မလုံ အင်္ဂါ၊ ပညာ နည်းရှား၊ ဤ ၆-ပါးကား၊ သောက်စားသေစာအပြစ်တည်း။"

အရပ် ၈-ပါးနှင့် ကျိုး, ပြစ်တရား။ ။ ဗေဒင်ကျမ်းလာအရပ်ရှစ်ပါးဟူလိုလောကီရေးလိုက်စားသူတို့အဖို့ မိမိမွေးနံအရပ်ကစ၍ လက်ယာရစ်ချလေ။
(၁) ပရိဝါရ၊
(၂) အာယု၊
(၃) နဂရ၊
(၄) ဘူမိ၊
(၅) ဂဟပတိ၊
(၆) တေဇ၊
(၇) ဌာန၊
(၈) သီရိ။
မိမိနံက၊ လက်ယာပြ၊ ရေကြရှစ်မျက်နှာ။
ပရိဝါရ၊ နေကြမြဲတွင်၊ အာယုလျှင်၊ နံပင် စိုက်သင့်ပါ။
နဂရ ရွာပြည်၊ တည်ထောင်လေဘိ၊ ဘူမိညစ်ကြေး၊ စွန့်ပစ်သွေး၊ ထားရေးသမိုင်းသာ။
ဂဟပတိ၊ ထားဘိကျီကျ၊တေဇရပ်မွန်၊ ထီးတံခွန်၊ ကျောင်း ကန်တည်ဖို့ရာ။
ဌာန၌ကား၊ ကျွဲ နွား မြင်း ဆင်၊ ထားလျှင်သင့်မြတ်၊သီရိရပ်၊ ထားအပ်လယ်မြေယာ။

အရပ် ၁၀-မျက်နှာ။ ။ မေတ္တာပို့ရာ၌ပါသော အရပ်မျက်နှာဆယ်ပါး။
(က) အရှေ့ အနောက် တောင် မြောက်၎-ပါး။
(ခ) အရှေ့တောင်ထောင့်၊ အနောက်တောင်ထောင့်၊ အရှေ့မြောက်ထောင့်၊ အနောက်မြောက်ထောင့် ၄-ပါး။
(ဂ) အထက်အရပ် အောက်အရပ် ၂-ပါး၊ ပေါင်း ၁၀-ပါး။

အရပ်ပြစ် ၈-ပါး။ ။ အဋ္ဌက္ခဏ ခေါ် မဂ်ဖိုလ် နိဗ္ဗာန် သာသနိကဓမ္မတို့နှင့် ဆန့်ကျင်ဘက်ဖြစ်၍ ခဏကောင်း မဟုတ်သောအရပ်၏အပြစ်ရှစ်ပါး။ ၎င်းင်းအဖြေ (ရပ်ပြစ် ၈-ပါး)၌ ရှုပါ၊ ၂-နည်းပြထား၏။

အရပ်မျက်နှာ၊ ဆဒိသာ၊ ၆-ဖြာအဘယ်နည်း? ။ ။ ဆဒိသာပါလ ပရိတ်တော်လာ အရပ်မျက်နှာ ခြောက်ပါးကိုဆို၏။
(၁) ပုရတ္ထိမ- အရှေ့အရပ်၊
(၂) ဒက္ခိဏ- တောင်အရပ်၊
(၃) ပစ္ဆိမ- အနောက်အရပ်၊
(၄) ဥတ္တရ-မြောက်အရပ်၊
(၅) ဥဒ္ဓံ- အထက်ကောင်းကင်အရပ်၊
(၆) အဓေါ- မြေအောက်အရပ်။

အရသာ ၆-ပါး၊ ၇-ပါး၊ ၉-ပါး၊ ၃-နည်း။ ။ ဤအဖြေ၌ ၆-ပါးကားအဘိဓါန်ကျမ်းလာတည်း။
(၁) ကသာဝေါ-အဖန်၊
(၂) တိတ္တော- အခါး၊
(၃) မဓုရော- အချို၊
(၄) လ၀ဏော- အငန်၊
(၅) အမ္ဗိလော- အချဉ်၊
(၆) ကဋုကော- အစပ်။
မှတ်ချက်။ ။ ဆေးကျမ်းများ၌ အဆိမ့်ဟူသောအရသာထည့်၍ ၇-ပါးလာသည်။
တစ်နည်း။ ။ ပူသောအရသာ အေးသောအရသာထည့်၍ ၉-ပါးလာသည်။ ရသသင်္ဂဟကျမ်းအလို အဖန်ကိုအဆိမ့်၌ထည့်သွင်း၍ ၆-ပါးပင်ယူလေသည်။ ဒဗ္ဗဂုဏ်ဆေးကျမ်း၊ ဘေသဇ္ဇမဉ္ဇူသာ ဆေးကျမ်း စသည်တို့၌မူ ဆိမ့်, ဖန်နှစ်ပါးအရသာပြားသောကြောင့် ပေါင်းရန်မနှစ်သက်
ကြကုန်၊ စင်စစ် အဆိမ့်နှင့် အချိုနှစ်ပါးသာ အစွမ်းသတ္တိအကျိုးဂုဏ် မထူးခြားသည်ဖြစ်၍ ပေါင်းရမည်ဆိုကုန်၏။ သင့်မြတ်လှ၏၊ မာဂဓ သက္ကဋအဘိဓါန်နှင့်ထိုထိုပိဋကတ်တော်တို့၌ ဘာသာအကျော် ဆရာတော်တို့ကိုယ်တိုင်လည်း သာဓုသဒ္ဒါ မဓုရ သဒ္ဒါတို့ကို ချိုဆိမ့်သောအရသာ မြိန်မြတ်သောအရသာဟု ပြန်ဆိုမှာထားတော်မူခဲ့လေပြီ။ ထို့ကြောင့် အဆိမ့်၏ပါဠိကို ရသသင်္ဂဟ ဆရာ့အလို (ကသာဝ-ကသာယ) ဒဗ္ဗဂုဏ်စသော လောကီကျမ်း ပိဋကတ်ကျမ်းတို့အလို (သာဓု မဓူရ)ဟု သိရှိသီကုံး သုံးနှုန်းကြရာ၏။

အရိပ် ၅-ပါး၊ ခိုလှုံငြား၊ မမှားချမ်းသာရာ။ ။
(၁) ရုက္ခ ဆာရာ- သစ်ပင်ရိပ်၊
(၂) ဥာတိ မာတာ ပိတာ-မိ ဘ ဆွေဥာအရိပ်၊
(၃) အာစရိယ ဆာယာ- ဆရာကောင်းတို့အရိပ်၊
(၄) ရာဇဿ ဆာယာ- မင်းကောင်းမင်းမြတ်တို့အရိပ်၊
(၅) ဗုဒ္ဓဿ ဆာယာ- မြတ်စွာဘုရားသခင်တို့၏ သာသနာတော်အရိပ်ဟူ၏။

အရိယာ ဝေါဟာရ မျိုး ၈-ပါး။ ။ သုတ္တနိပါတ် ပါဠိတော်နှင့် အဋ္ဌကထာ။ ကသိဘာရဒွါဇသုတ်မှ ဒိဋ္ဌ၊ သုတ၊ မုတ၊ ၀ိညာတ။ အဒိဋ္ဌ၊ အသုတ၊ အမုတ၊ အ၀ိညာတ။ ဤ ၈-ပါးသော ဝေါဟာရတို့၌ ဒိဋ္ဌေ ဒိဋ္ဌ ၀ါဒိတာ၊ အဒိဋ္ဌေ အဒိဋ္ဌ ၀ါဒိတာ စသည်တို့ဖြစ်၏။
(၁) မမြင်သည်ကို မမြင်ဟုပြောခြင်း၊
(၂) မကြားသည်ကို မကြားဟုပြောခြင်း၊
(၃) မတွေ့ရောက်သည်ကို မတွေ့ရောက်ဟုပြောခြင်း၊
(၄) မသိတာကို မသိဟုပြောခြင်း၊
(၅) မြင်တာကို မြင်တယ်ဟုပြောခြင်း၊
(၆) ကြားတာကို ကြားတယ်ဟုပြောခြင်း၊
(၇) တွေ့ရောက်တာကို တွေ့ရောက်တယ်ဟုပြောခြင်း၊
(၈) သိတာကို သိတယ်ဟုပြောခြင်း။
အကျယ်- သုတ်သီလက္ခန်။ ဋ္ဌ။ ၁၉၄။ ၂၀၇။ ဣတိဝုတ်။ ဋ္ဌ။ ၈၂။ ၂၀၆။ သာရတ္ထ- တတိယအုပ်။ ၄၇၃-တို့၌ အကျယ်ရှုပါ။

အရိယာ ၈-ယောက်။ ။ ဤ၌ အများသိဖြစ်သော အရိယာဇာတ်အစစ်ဖြစ်သည့် မဂ္ဂဋ္ဌာန် ၄-ယောက်+ ဖလဋ္ဌာန် ၄-ယောက်ကိုဆိုသည်၊
သရုပ်၎င်းင်းတို့မှာကြည့်လေ။

အရိယာအင်္ဂါ ၄-ပါး။ ။ ၎င်းင်းသရုပ်အဓိပ္ပါယ်ကို (သောတာပန် အင်္ဂါ ၄-ပါး)ဟူသော ပုဒ်၌ကြည့်ပါ။

အရိယာ အပြားမျိုး ၄-ပါး။ ။ ဇာတက အဋ္ဌကထာ။ ဒု-အုပ်။ ၃၈-နှင့် ၂၅၆-တို့၌ အကျယ်ရှုပါ။
(၁) အာစာရအရိယာ- မြတ်သောအကျင့်ကိုကျင့်သော လူ ရဟန်း တိရစ္ဆာန်၊
(၂) ဒဿန အရိယာ- ဣရိယာပိုထ် ၄-ပါး၌ ကြည်ညိုဖွယ်ရှိသော လူ ရဟန်း တိရစ္ဆာန်၊
(၃) လိင်္ဂ အရိယာ- ရဟန်းတော်မြတ်များနှင့် ၀တ်ရုံခြင်းအသွင်အပြင်တူသောပုဂ္ဂိုလ်၊
(၄) ပဋိဝေဓ အရိယာ- မဂ်တရားဖိုလ်တရားရပြီးသော ဘုရားစသော အရိယာပုဂ္ဂိုလ်ရှစ်ယောက်။

အရိယာအပြား ၁၄၆-ပါး၊ တစ်နည်း ၁၉၄-ပါး။ ။ ဤ၌ အရိယာရှစ်ပါး ဘုရား ပစ္စေကဗုဒ္ဓါ
တို့ကိုမူတည်၍မြှောက်ပွားသည်။ ၎င်းင်းပွားနည်းကို နေတ္ထိ အဋ္ဌကထာ ပုဂ္ဂလပညတ် အဋ္ဌကထာ ၀ိသုဒ္ဓိမဂ်နှင့် ၎င်းင်းမဟာဋီကာတို့၌ရှုပါလေတော့၊ အဖြေမှာ ကျယ်ဝန်းလွန်းသဖြင့် ဤ၌မပြနိုင်ပေ။

အရိယာ ဥစ္စာ ၇-ပါး။ ။ သတ္တဂုင်္တ္တရ။ ပါ။ ၃၉၈။ သုတ်ပါထေယျ။ ပါ။ ၂၀၈။ ဋ္ဌ။ ၂၂၁-တို့၌ သတ္တအရိယ ဓနာနိ- ဟု ဘုရားဟောတော်မူသည်။
(၁) သဒ္ဓါ ဓနံ- ရတနာသုံးပါးဂုဏ်တရားနှင့် ကံ ကံ၏အကျိုးများကိုယုံစားခြင်း၊
(၂) သီလ ဓနံ- သီလတည်းဟူသောဥစ္စာ၊
(၃) ဟိရီ ဓနံ- မကောင်းမှု၌ရှက်ခြင်းဥစ္စာ၊
(၄) သြတ္တပ္ပ ဓနံ- မကောင်းမှု၌ ကြောက်ခြင်းဥစ္စာ၊
(၅) သုတ ဓနံ- အကြားအမြင်များခြင်းဥစ္စာ၊
(၆) စာဂ ဓနံ- ပေးစွန့်လှူဒါန်းခြင်းဥစ္စာ၊
(၇) ပညာ ဓနံ- မဂ်ဖိုလ် ပညာဥစ္စာ။

အရိယာ ဥပုသ်မျိုး ၆-ပါး။ ။ ၎င်းင်းအဖြေ "ဥပုသ်မျိုး ၆-ပါး"၌ ရှုပါလေ။

အရိယာ ကထာမျိုး ၁၀-ပါး။ ။ မဟာနိဒ္ဒေသ။ ပါ။ ၁၆၉။ ဋ္ဌ။ ၂၅၈။ အရိယာပုဂ္ဂိုလ်များ ပြောကြားလေ့ရှိသောစကားမျိုး ၁၀-ပါးဟူ၏။
(၁) အပိစ္ဆကထာ- အလိုနည်းမှုနှင့်စပ်သောစကား၊
(၂) သန္တုဋ္ဌိကထာ- ရောင့်ရဲလွယ်မှုနှင့်စပ်သော၊
(၃) ပ၀ိဝေက ကထာ- ဆိပ်ငြိမ်မှုနှင့်စပ်သော၊
(၄) အ သံသဂ္ဂ ကထာ- ရှင်လူတို့နှင့် ရောရောစပ်စပ်မဆက်ဆံလိုကြောင်းနှင့်စပ်သော၊
(၅) ၀ီရိယာရမ္ဘ ကထာ- ၀ိပဿနာတရားအားထုတ်ကြိုးစားမှုနှင့်စပ်သော၊
(၆) သီလ ကထာ၊
(၇) သမာဓိ ကထာ၊
(၈) ပညာ ကထာ
(၉) ၀ိမုတ္တိ ကထာ- မဂ်ဖိုလ်နှင့်စပ်သော၊
(၁၀) ၀ိမုတ္တိ ဥာဏဒဿန ကထာ- ပစ္စဝေက္ခဏာဥာဏ်နှင့်စပ်သောစကား။

အရိယာတို့ နှလုံးမသွင်း၊ မပြုလုပ်သောတရား ၈-ပါး။ ။ ဧကင်္ဂုတ္တရပါဠိတော် ၂၈။ ဋ္ဌ။ ၃၅၂-၌ အကျယ်ရှု။
(၁) သင်္ခါရတရားစုကို သုခဟုနှလုံးမသွင်းခြင်း၊
(၂) အတ္တဟု နှလုံးမသွင်းခြင်း၊
(၃) မာတုဃာတက၊
(၄) ပိတု ဃာတက၊
(၅) အရဟန္တ ဃာတက၊
(၆) လောဟိတုပ္ပါဒက၊
(၇) သံဃဘေဒကကံတို့ကို မကျူးလွန်တော့ခြင်း၊
(၈) ဗုဒ္ဓသာသနာတော်မှ တစ်ပါးသောဆရာတို့ကို မရှာမှီးတော့ခြင်း။

အရိယာပုဂ္ဂိုလ် ၉၆-ယောက်။ ။ အဘိဓမ္မာပိဋက ပုဂ္ဂလပညတ်ပါဠိတော် ၁၁၉- ၁၂၀။ ၎င်းင်း။ ဋ္ဌ။ ၄၇-မှ ၅၃-ထိယူပါ၊ အခြား ပိဋကတ်များမှာလည်း ပါရှိသေးသည်။
(၁) သောတာပန် ၂၄-ယောက်၊
(၂)သကဒါဂါမ် ၁၂-ယောက်၊
(၃) အနာဂါမ် ၄၈-ယောက်၊
(၄) ရဟန္တာ ၁၂-ဦး၊ ပေါင်း ၉၆-ယောက်ဖြစ်၏။

အရိယာပုဂ္ဂိုလ် ၁၀၈-ယောက် တစ်နည်း။ ။ သုတ္တနိပါတ်။ ပါ။ ၃၁၃။ ၎င်းင်း။ ဋ္ဌ။ ပ-အုပ် ၂၈၂။ ခုဒ္ဒကပါဌ။ပါ။ ၅။ ၎င်းင်း။ ဋ္ဌ။ ၁၅၂။
သောတာပန် ၃-ယောက်ကို ပဋိပဒါ ၄-ပါးနှင့် မြှောက် ၁၂-ယောက်ဖြစ်၏၊
သကဒါဂါမ် ၁၂-ယောက်၊
အနာဂါမ် ၂၄-ယောက်၊
သုက္ခ ၀ိပဿက ရဟန္တာ ၁၊
သမထယာနိက ရဟန္တာ-၁၊
မဂ္ဂဋ္ဌာန် ၄-ယောက်၊ ပေါင်း ၅၄-ယောက်၊
သဒ္ဓါဓုရ၊ ပညာဓုရ ၂-ပါးနှင့် မြှောက်ပွားသော် အရိယာ ၁၀၈-ယောက်ဖြစ်၏။

အရိယာပုထ် ၄-ပါး။ ။
(၁) သွားခြင်း၊
(၂) ထိုင်ခြင်း၊
(၃) ရပ်ခြင်း၊
(၄) လျောင်းစက်အိပ်ခြင်း။

အရိယာ ဖိုလ် ၄-ပါး။ ။ အရိယာပုဂ္ဂိုလ်တို့သာ နိဗ္ဗာန်ချမ်းသာကိုခံစားနိုင်သော အရိယာမဂ်၏အကျိုးဖြစ်သော"ဖိုလ်စိတ် ၄-ပါး"ကိုခေါ်သည်။

အရိယာဖြစ်ကြောင်းတရား ၄-ပါး။ ။ ၎င်းင်းအဖြေ "သောတာပန်ဖြစ်ကြောင်းအင်္ဂါ ၄-ပါး"၌ ရှုပါလေ။

အရိယာမဂ် ၄-ပါး။ ။ အရိယာပုဂ္ဂိုလ်တို့သာ နိဗ္ဗာန်ကိုမြင်တွေ့ရသောစိတ်များ။
(၁) သောတာပတ္တိမဂ်၊
(၂) သကဒါဂါမိမဂ်၊
(၃) အနာဂါမိမဂ်၊
(၄) အရဟတ္တမဂ်။

အရိယ၀ံသတရား ၄-ပါး။ ။ အရိယာနွယ်ဝင် သူတော်စင်တို့ ရသမျှနှင့်နှစ်သက်စွာ လိုက်နာပြုကျင့်ရမည့် တရားလေးပါးဟူလို၊ (သင်္ဂီတိသုတ်နှင့် အင်္ဂုတ္တိုရ်အဋ္ဌကထာ စတုတ္ထ။)
(၁) စီဝရ သန္တောသ- အ၀တ်သင်္ကန်း၌ရောင့်ရဲလွယ်ရခြင်း၊
(၂) ပိဏ္ဍပါတ သန္တောသ- ဆွမ်းခဲဖွယ်ဘောဇဉ် ချိုချဉ်ရသာ၌ ရောင့်ရဲလွယ်ရခြင်း၊
(၃) သေနာသန သန္တောသ- ကျောင်းအိပ်ယာနေရာ၌ ရောင့်ရဲလွယ်ရခြင်း၊
(၄) ဘာဝနာ ရမ္မတာ- ဘာဝနာကမ္မဋ္ဌာန်း စီးဖြန်းပွားများခြင်း၌ မွေ့လျော်ရခြင်း။

အရိယာဝါသ တရား ၁၀-ပါး။ ။ သုတ်ပါထေယျ။ ပါ။ ၂၂၄။ ၂၅၇။ ဋ္ဌ။ ၂၃၄-၌ အကျယ်ရှု။ သောတာပန်စသောအရိယာပုဂ္ဂိုလ်တို့သည် အောက်ပါတရား ၁၀-ပါးနှင့် အမြဲနေ၏။
(၁) ပဉ္စင်္ဂ ၀ိပ္ပဟီန- နီဝရဏတရား ငါးပါးတို့ကို ပယ်ပြီးခြင်း၊
(၂) ဆဠင်္ဂ သမန္နာဂတ- အာရုံ ၆-ပါးအတွေ့၌ သာç မသာမရှိခြင်း၊
(၃) ဧကာရက္ခ- ကံသုံးပါးမကျူးလွန်မှု၌ သတိနှင့်အမြဲနေ၏၊
(၄) စတုရာ ပေဿန- ပညာဖြင့်သာ မှီဝဲ သည်းခံ ကြဉ်ရှောင် ပယ်ဖျောက်ခြင်း ကိစ္စလေးပါးတို့၌ အမြဲဆင်ခြင်၍ပြုခြင်း၊
(၅) ပနုဏ္ဏပစ္စေက သစ္စ- ငါ့ဥာဏ်မြင်နှင့် ငါ့အယူသာမှန်၏ဟူသော ဒိဋ္ဌိသစ္စာကိုပယ်ခြင်း၊
(၆) သမ၀ယ သဋ္ဌေသန- အကျင့်ကိုရှာမှီးခြင်းမှငြိမ်းပြီးဖြစ်၍ ချမ်းသာစွာနေခြင်း၊
(၇) အနာဝိလ သင်္ကပ္ပ- သင်္ကပ္ပသုံးပါးကို ပယ်၍နေခြင်း၊
(၈) ပဿဒ္ဓ ကာယသင်္ခါရ- စတုတ္ထဈာန်ကိုဝင်စား၍နေခြင်း၊
(၉) သုဝိမုတ္တ စိတ္တ- ရာဂ ဒေါသ မောဟတို့မှစိတ်လွတ်၍နေခြင်း၊
(၁၀) သုဝိမုတ္တ ပညာ- ရာဂ ဒေါသ မောဟတို့ကို ပယ်ပြီးဖြတ်ပြီး တစ်ဖန်မဖြစ်မပေါ်မှု သဘောကိုသိ၍နေခြင်း။

အရိယာ ဝေါဟာရမျိုး ၄-ပါး။ ။ သံဂီတိသုတ်၌ လာရှိသည်ကား ၀စီဒုစရိုက်လေးပါးမှ လုံးဝရှောင်ကြဉ်၍ ပြောဆိုခြင်းပင်ဟူ၏။

အရိယာသံဃာတော်မြတ် ၈-ပါး။ ။ သံဃာတော်ဖြစ်သော အရိယာရှစ်ယောက်ကိုပင် "အရိယာသံဃာတော်ရှစ်ပါး"ဟုခေါ်ဆိုအပ်၏။

အရိယာ သာဝကတို့၏ဂုဏ်ကျေးဇူးတော် ၃၀။ ။ သင်္ဂီတိသုတ်၊ သုတ်ပါထေယျ၊ အင်္ဂုတ္တရ၊ ပါ။ ဋ္ဌ။ တို့၌အကျယ်ရှု။အရိယာတို့၏တပည့်တို့၌ မွန်မြတ်သောဂုဏ်ကျေးဇူးတော် ၃၀-တို့နှင့်ပြည့်စုံ၏ဟူလို။
(၁) ကောင်းစွာ ပြေပြစ်နူးညံ့သိမ်မွေ့သော မေတ္တာစိတ်ရှိခြင်း၊
(၂) ဖျက်ဆီးအပ် ဖျောက်အပ် နှိမ်အပ်သော မာနရှိခြင်း၊
(၃) ရတနာသုံးပါး၏ဂုဏ် ကံ ကံ၏အကျိုးကို မတုန်မလှုပ် အမြဲထိုးထွင်း၍ယုံကြည်ခြင်း သဒ္ဓါတရားရှိခြင်း၊
(၄) ရွှင်မြူးသောစိတ်ကိုပြည့်စုံစွာဆုံးမခြင်းရှိ၍ ငြိမ်သက်ချမ်းမြေ့သောသမာပတ်ကို ရခြင်း၊
(၅) မြတ်သောသီလရှိသည်ဖြစ်၍ ကောင်းသောအနံ့ဖြင့် ထုံမွမ်းခြင်း၊
(၆) နတ်လူတို့ ချစ်မြတ်နိုးတတ်ခြင်း၊
(၇) နှစ်သက်အပ်သောသူဟူ၍ အာသ၀ကုန်ပြီးသောသူမြတ်တို့ တောင့်တအပ်ခြင်း၊
(၈) နတ်လူတို့ ရိုသေအပ် ရှိခိုးအပ်ခြင်း၊
(၉) ပညာရှိတို့ချီးမွမ်းအပ်ခြင်း၊
(၁၀) လူ့ပြည်နတ်ပြည်၌ လူနတ်အပေါင်းနှင့် မရောနှောခြင်း၊
(၁၁) အနည်းငယ်သောအပြစ်၌လည်း ဘေးဟုရှုခြင်း၊
(၁၂) သမ္ပတ္တိနှင့်ပြည့်စုံသောသူတို့အား မဂ်ဖိုလ်အကျိုးကို ပြီးစေတတ်ခြင်း၊
(၁၃) အလိုရှိတောင့်တသော် များမြတ်သောပစ္စည်းကိုရနိုင်ခြင်း၊
(၁၄) မြဲသောကျောင်းအိပ်ယာနေရာမရှိခြင်း၊
(၁၅) ဈာန်၌ယှဉ်၍ မြတ်သောနေလေ့ရှိခြင်း၊
(၁၆) ထွေးယှက်သောကိလေသာကွန်ယက်ကို ဖျက်ဆီးခြင်း၊
(၁၇) မြတ်သောမဂ်ဖိုလ်တရားကို လျှို့ဝှက်ဖုံးလွှမ်းခြင်း၊
(၁၈) လာလတ္တံ့သောဂတိကို တားမြစ်ခြင်း၊
(၁၉) အပ္ပနာသို့ရောက်သော တရားရှိခြင်း၊
(၂၀) နှိမ့်ချစွာနေခြင်း၊
(၂၁) အပြစ်မရှိသောအသုံးအဆောင်ရှိခြင်း၊
(၂၂) ဂတိတရားမှလွတ်ခြင်း၊
(၂၃) ယုံမှားသင်္ကာမှ ကူးမြောက်ခြင်း၊
(၂၄) ၀ိမုတ္တိဈာန်ကို အလိုရှိခြင်း၊
(၂၅) မြင်အပ်သောတရားရှိခြင်း၊
(၂၆) မတုန်မလှုပ်မြဲသည်ဖြစ်၍ ဘေးကိုတားမြစ်စေသောသူတို့၏ မှီခိုရာသို့ရောက်ခြင်း၊
(၂၇) ကောင်းစွာပြတ်အပ်သော အနုသယရှိခြင်း၊
(၂၈) အာသဝေါကုန်ခြင်းသို့ ရောက်ခြင်း၊
(၂၉) ငြိမ်သက်ချမ်းမြေ့သောသမာပတ်၌ များစွာနေလေ့ရှိခြင်း၊
(၃၀) ရဟန်းကျေးဇူးဂုဏ်နှင့် အလုံးစုံပြည့်စုံခြင်း။

အရုဏ်တက်ခြင်းမျိုး ၄-ပါး။ ။ ဤ၌ ပြလတ္တံ့သော အာရုဏ်အပြားနှင့်စကားရပ်တို့ကား- ပြည် ရွှေဆံတော်သမိုင်းကိုရေးသားသူ ဦးဝိသုဒ္ဓ၏၀ါဒဖြစ်၏၊ ကျွန်ုပ်တို့လည်း နှစ်သက်သည်။
သေတ ရုဏဉ္စ ပဌမံ၊ ဒုတိယံ ဂဒြဘ မုခ ၀ဏ္ဏံ။
တတိယံ လောဟိတဉ္စ၊ စတုတ္ထံ နိန္ဒိယ ၀ဏ္ဏံ။
ပဌမံ၊ ပထမ အရုဏ်သည်။ သေတ ရုဏဉ္စ၊ ဖြူသောအဆင်းရှိ၏။
ဒုတိယံ၊ ဒုတိယ အရုဏ်သည်။ဂဒြဘ မုခ ၀ဏ္ဏံ၊ မြည်းမျက်နှာအဆင်းရှိ၏။
တတိယံ၊ တတိယအာရုဏ်သည်။ လောဟိတဉ္စ၊ နီသောအဆင်းရှိ၏။
စတုတ္ထံ၊ စတုတ္ထအာရုဏ်သည်။ နန္ဒိယ ၀ဏ္ဏံ၊ ဇလပ်ပွင့်အဆင်းရှိ၏။
ဣတိ၊ ဤသို့။ အရုဏော၊ အရုဏ်သည်။ စတုဗ္ဗိဓေါ၊ လေးပါးအပြားရှိ၏။
မှတ်ချက်။ ။ ဆွမ်းစားခြင်း ဆွမ်းကပ်ခြင်းကိုမူကား ပဌမ အာရုဏ်သည် အလွန်နုသေးသည်ဖြစ်၍ မအပ်၊
ဒုတိယအာရုဏ်သည် မိုက်မှောင်သေးသည်ဖြစ်၍ မလျော်၊
တတိယအာရုဏ်မှဆွမ်းကပ်ခြင်း၊ ဆွမ်းစားခြင်းကိုပြုအပ်၏၊
စတုတ္ထအာရုဏ်ကား ပြောဖွယ်မရှိ လင်းလွန်းပြီ။

အရုဏ်တက်ရာ၊ ၁၂-ဖြာ၊ ဘယ်နာရီမှာ ဘယ်လနည်း?။ ။
၁၂-လ၌ အရုဏ်တက်သော အချိန် နာရီ မိနစ်များကိုအောက်ပါလင်္ကာအတိုင်း ရှေးပညာရှိ က၀ိဆရာများ စီစဉ်သတ်မှတ်ထားကြ၏၊ ဤ၌ စနေနံကို သုညယူ။
လင်္ကာသွား -----------------လအမည် ---------------နာရီ------------- မိနစ်
ကူး ပြန် နှင်းထွေး -----------တာကူး------------------- ၅--------------- ၀၀၊
ဆုန် လေး ပေါ်နေ ---------- ကဆုန် ------------------ ၄---------------- ၅၀
ယုန် ဝေ ဝေထပ် ------------ နယုန် ------------------- ၄---------------- ၄၀
ဆို လပ် စာတော် ------------ ၀ါဆို -------------------- ၄---------------- ၃၀
ခေါင် လှော် လူထု ----------- ၀ါခေါင် -------------------၄---------------- ၄၀
လင်း လှု မတွေး ------------ တော်သလင်း ------------ ၄---------------- ၅၀
ကျွတ် မေး နင်တို့ ------------ သီတင်းကျွတ် ----------- ၅---------------- ၀၀
မုန်း ဖို့ အော်နေ -------------- တန်ဆောင်မုန်း --------- ၅---------------- ၁၀
တော် မြေ ကျော်ဌေး --------- နတ္တော် ----------------- ၅---------------- ၂၀
ပြာ ပေး ဆန်တောင်း --------- ပြာသို ------------------ ၅---------------- ၃၀
တွဲ ပေါင်း ခေါ်နော် ----------- တပို့တွဲ ----------------- ၅---------------- ၂၀
ပေါင်း ပျော် အထွက် --------- တပေါင်း ---------------- ၅---------------- ၁၀
အရုဏ်တက်၊ မပျက်တွက်လို့ရေ။
နာရီပိုင်း၊ လူတိုင်း ယူပါလေ။
က၀ိများ ထားခဲ့ဥပဒေ။

အရူပ ၄-ဘုံ။ ။ ရုပ်ကားမရှိ၊ နာမ်သာရှိသော ဗြဟ္မာကြီးတို့၏ နေရာ ၄-မျိုး။
(၁) အာကာသာနဉ္စာယတနဘုံ-ကပ္ပါနှစ်သောင်းအသက်ရှည်သော ဗြဟ္မာကြီးတုိ့၏ နေရာဘုံ၊
(၂) ၀ိညာဏဉ္စာယတန ဘုံ- ကပ္ပါလေးသောင်းအသက်ရှည်သော ဗြဟ္မာကြီးတို့၏ နေရာဘုံ၊
(၃) အာကိဉ္စညာယတန ဘုံ- ကပ္ပါခြောက်သောင်းအသက်ရှည်သော ဗြဟ္မာကြီးတို့၏ နေရာဘုံ၊
(၄) နေ၀သညာနာသညာ ယတန ဘုံ-ကပ္ပါရှစ်သောင်းအသက်ရှည်သော ဗြဟ္မာကြီးတို့၏ နေရာဘုံ။
မှတ်ချက်။ ။ ဤ၌ ၄-ခုမြောက်ဘုံကိုပင် ဘ၀ဂ်ဟုခေါ်သည်။

အရူးမျိုး ၈-ပါး။ ။ ဇာတ်။ ပါ။ ၁၃၈။ ဋ္ဌ။ တတိယအုပ် ၂၂၃- နှင့် ဓမ္မသတ်ကျမ်းတို့၌ လာသည်။ အရူးများစွာကိုမျိုးခွဲလိုက်လျှင် ဤရှစ်ပါးသာရ၏။
(၁) ရာဂုမတ္တက- တဏှာ ရာဂ ရမ္မက်ဖြင့် ရူးသောအရူးမျိုး၊
(၂) ကောဓုမ္မတ္တက- အမျက်ဒေါသလွန်သဖြင့် ရူးသောအရူးမျိုး၊
(၃) ဒိဋ္ဌုမ္မတ္တက- အယူဖေါက်ပြန်ကြံစည်လွန်သဖြင့် ရူးသောအရူးမျိုး၊
(၄) မောဟုမ္မတ္တက- မိုက်မဲတွေဝေသဖြင့် ရူးသောအရူးမျိုး၊
(၅) ယက္ခုမ္မတ္တက- ဘီလူး သားရဲ စုန်း နတ်ဖမ်းပူးသဖြင့် ရူးသောအရူးမျိုး၊
(၆) ပိတ္တုမ္မတ္တက- သည်းခြေပျက်၍ ရူးသောအရူးမျိုး၊
(၇) သုရုမ္မတ္တက- သေရည်သောက်လွန်းသဖြင့် ရူးသောအရူးမျိုး၊
(၈) ဗျသနုမ္မတ္တက- စည်းစိမ်ဥစ္စာပျက်သဖြင့် ရူးသောအရူးမျိုး။

အရိုအသေမပြုတတ်သူမျိုး တစ်ကျိပ်နှစ်ပါး။ ။ (ရိုသေထိုက်သူအား မရိုသေသူ ၁၂-ဦး)၌ ပြမည်။

အရိုးဆက် ပုဂ္ဂိုလ်မျိုး ၃-ပါး။ ။ မူလ။ ဋ္ဌ။ ဒု။ ၃၁၈။ သုတ်မဟာဝါ။ ဋ္ဌ။ ၁၉၅။ ၌ရှု။
(၁) ဘုရားရှင်တို့မှာ ကွင်းဆက်၊
(၂) ပစ္စေကဗုဒ္ဓါတို့မှာ ချိတ်ဆက်၊
(၃) ကျန်လူသားနှင့် ရဟန္တာများမှာ တေ့ဆက်။

အရွယ် ၃-ပါး။ ။ လူသတ္တ၀ါတို့အဖို့ အရေးကြီးသော ၀ယကာလ ၃-ပါးဟူ၏။
(၁) ပဌမအရွယ်- အသက်၂၀-နှစ်အတွင်း ဥစ္စာရကြောင်း နည်းကောင်းပညာများကို ရှာမှီးရန်အရွယ်၊
(၂) ဒုတိယအရွယ်- အသက်၅၅-နှစ်အထိ ပစ္စည်းဥစ္စာရှာဖွေဆည်းပူးရန် အရွယ်၊
(၃) တတိယ အရွယ်၊ အသက် ၅၅-နှစ်ကျော်ကစ၍ဘ၀သံသရာရေးအတွက် ကိုယ်ကျိုးသက်သက် တရားဓမ္မပြုကျင့်အားထုတ်ရန်အရွယ်။

အရွယ် ၁၀-ပါး။ ။ ဇာတကပါဠိတော်။ ပ-အုပ်။ ၃၁၃။ ၎င်းင်း အဌကထာ စတုတ္ထအုပ် ၃၉၇-၌ အကျယ်ရှုပါ။ဤသည်တို့၌ ယေဘုယျအခေါ်များရာသို့လိုက်၍ယူရသည်၊ အပ္ပကခေါ် အနည်းငယ်အားဖြင့်ကား ဤပြအံ့လက္ခဏာနှင့် ဆန့်ကျင်ဘက်ပုဂ္ဂိုလ်များလည်း ရှိသေး၏။
(၁) မန္ဒ အရွယ်- ၁၀-နှစ်အတွင်းပညာနုံ့နှေးသော အရွယ်၊
(၂) ခိဋ္ဋ အရွယ်- ၂၀-အတွင်း စိတ်ပျံ့လွင့်သောအရွယ်၊
(၃) ၀ဏ္ဏ အရွယ်-၃၀-အတွင်း အဆင်းလှသောအရွယ်၊
(၄) ဗလ အရွယ်- ၄၀-အတွင်း အားကောင်းသောအရွယ်၊
(၅) ပညာ အရွယ်- ၅၀ အတွင်း ပညာဥာဏ်ကောင်းသောအရွယ်၊
(၆) ဟာယန အရွယ်- ၆၀-အတွင်း အားအင်ဆုတ်ယုတ်သောအရွယ်၊
(၇) ပဘာရ အရွယ်- ၇၀-အတွင်း လေးလံထိုင်းမှိုင်းသောအရွယ်၊
(၈) ကုဋိလ အရွယ်- ၈၀-အတွင်း ကိုင်းညွတ်သောအရွယ်၊
(၉) မုဠှ အရွယ်- ၉၀-အတွင်း တွေဝေမေ့မောသောအရွယ်၊
(၁၀) အနုဋ္ဌာသေယျ အရွယ်- ၁၀၀-အတွင်း မထသောအိပ်ခြင်းဖြင့်နေတတ်သောအရွယ်။

အရှင်ဝတ် ၅-ပါး။ ။ အလုပ်ပိုင်ရှင်က လုပ်သားသူရင်းငှားတို့ကို ပြုစုရမည့်ဝတ်ငါးပါး။
(၁) အစားအသောက်တို့ကို ၀ဖြိုးစွာကျွေးမွေးပေးကမ်းရခြင်း၊
(၂) လုပ်ခင်းဆောင်တာတို့ကို စီရင်နည်းပေး၍စေခိုင်းရခြင်း၊
(၃) နာမကျန်းဖြစ်သည့်အခါ ဆေးကုပေးရခြင်း၊
(၄) စားကောင်းသောက်ကောင်းကို စားသောက်ရသောအခါဝေငှမျှတ၍ပေးရခြင်း၊
(၅) အချိန်အခါနှင့် စေခိုင်းရခြင်း၊ အချိန်စေ့လျှင်လွှတ်ရခြင်း။ (သုတ်ပါထေယျ၊သိင်္ဂါလောဝါဒသုတ်။)

အရှင်သာရိပုတ္တရာ၏ ဂုဏ်ရည်တော် ၁၆-ပါး။ ။ ထိုအရှင်မြတ်၏ ဥာဏဂုဏ်တော်တန်ခိုးတေဇော်ဂုဏ်တော်၊
မြတ်ဘုရား၏ချီးမွမ်းပုံ ဂုဏ်တော်တို့၏ စိတ်ဝင်စားဖွယ် ကြည်ညိုစရာ အကျယ်တို့ကို ဒေ၀တာသံယုတ်သုသီမသုတ်။ ပါ။ ဋ္ဌ။ တို့၌ရှုပါ။ Print this post